DILI, STLNEWS.co – Komunidade internasional nadodon mai hasoru Primeiru Ministru (PM) Kay Rala Xanana Gusmão, kontinua hametin kooperasaun bilateral iha IX Hovernu, hatudu sira nia konfiansa, ida nee Xanana lori Timor ba mundu.
Lia hirak nee hatoo husi Deputadu Antonio Verdial husi Bankada KHUNTO katak, hanesan bankada opozisaun, laiha razaun katak la suporta, maibe sempre orgulhu, tanba ho prezensa komandante Em Xefi das FALENTIL.
“Xanana kaer IX Governu, lori Timor-Leste ba mundu, i mundu mos lori mai Timor, maibe hirak neebe kaer ukun, servisu ho hanoin ba hau nia rain laos estranjeirus, tenki halao dezenvolvimentu ba hau nia nasaun”, katak Visi Bankada KHUNTO, Antonio Verdeial ba STL Kuarta (09/08/2023) iha PN.
Nia hatete, hansan deputadu husu katak, Timor oan mak tenki koalia no halo asaun barak, i hatur atitude sai lideransa neebe diak, hodi partisipa iha prosesu dezenvolvimentu ba estadu direitu demokratiku nee ho sustentavel.
Nia dehan, vizita husi nasaun barak mai ona iha inisiu mandatu IX Governu, hakarak apoia no kontinua hametin kooperasaun bilateral, ida nee parte pozitivu tebes, tanba sira mai nee hatudu mos konfiansa ba xefi governu i hakarak srevisu hamutuk.
Tuir nia, hein katak iha mandatu IX Governu nee sei halao dezenvolvimentu diak liu ba rai no povu, tanba interese komunidade mundial mai hasoru Xefi Ezekutivu nee hakarak halao mos dezenvolvimentu iha Timor-Leste. No Timor-Leste mos sei sai nasaun dezenvolvidu, bainhira lideransa sira servisu ho onestidade, no efetivu iha implementasaun programa sira, fiar katak prosesu konstrusaun ba estadu, direitu demokratiku, sei dezenvolve ho diak, atu nunee Timor oan hotu senti Timor nia independensia.
Nunee mos Xefi Bankada PD Antonio da Conceição hatete, haree ba vizita sira neebe mai husi estranjeirus nee parte pozitivu, neebe komunidade internasional hatudu sira nia konfiansa ba IX Governu neebe lider husi Primeiru Ministru (PM) Xanana Gusmao.
Ho sira nia konfiansa nee, bele hametin liu tan kooperasaun Timor-Leste ho nasaun hirak neebe mai ona vizita PM Xananan iha inisiu mandatu.
Tuir nia, iha inisiu mandatu nee, hanesan ema hotu akompanha, iha Ministru Estranjeiru husi nasaun hirak kedas mak mai ona, nomos husi Protugal, Primeiru Ministru rasik mak mai.
(gui)
