KM Aprova Dekretu Lei Rejime Direitus Titular-Membru Orgaun Soberanu No Titular Kargu Politiku

DILI, STLNEWS.co – Reuniaun Konselhu Ministru (KM) aprova projetu Dekretu-Lei konaba Rejime direitus titulár no membrus órgaun soberania no titulár kargu polítiku sira nian.

Reuniaun KM neebe halao iha Kuarta (20/12/2023), iha Palasiu Governu, neebe STL asesu iha komunikadu haktuir, diploma ida nee ho objetivu atu komplementa rejime sira neebé hatuur ona iha Lei n. 7/2007, loron 25 fulan Julhu, no iha Lei n. 14/2009, loron 21 fulan Outubru, relasiona ho direitu titulár no membrus órgaun soberania no titulár kargu polítiku sira nian. Objetivu mak atu konsolida no halo norma sira neebé daudaun nee vigora hela, sai komprensivel liu tán.

Diploma nee abranje área oi-oin, inklui direitu ba rezidénsia ofisiál, subsídiu ba hela-fatin, komunikasaun movel, asisténsia médika, no seguransa pesoál.

Projetu Dekretu-Lei ida nee aprova ona husi VIII Governu Konstitusionál iha Sorumutuk Konselhu Ministrus nian, iha loron 15 fulan Marsu tinan 2023, maibe tanba diploma nee seidauk hetan promulgasaun, tanba nee presiza submete fali projetu Dekretu-Lei nee ba deliberasaun foun.

(gui)

LEAVE A REPLY

Please enter your comment!
Please enter your name here