DILI, STLNEWS.co – IX Governu liu husi Konselhu Ministru (KM) aprova ona tetu Orsamentu Jeral Estadu (OJE) 2024, ho montante US$ 1.6 bilhaun.
Ministra Finansas (MF), Santina José Rodrigues Ferreira hatete, ohin MF lori mai KM, tetu OJE 2024 nian total US$ 1.6 bilhaun, neebe hein distribuisaun tetu orsamentu ka pakote orsamentu ba kada ministeriu.
“MF mai ho tetu orsamentu US$ 1.6 bilhaun ho sub-kategoria 3, hanesan Administrasaun sentral ho montante bilhaun US$ 1.458.292.355, ba sub-orsamentu ba seguransa sosial nian US$ 81. 707.655, nunee mos ba orsamentu RAEOA nian US$ 60.000.000, la inklui fundu rezerva seguransa sosial”, informa Ministra Finansas (MF), Santina José Rodrigues Ferreira ba Jornalista sira, bainhira remata reuniaun KM iha Palasiu Governu, Segunda (02/10/2023).
Nia afirma, husi tetu US$ 1.6 bilhaun fahe ba ministeriu idak-idak, iha Ministeriu Edukasaun sei hetan pursentu boot liu, nunee mos Prezidensia Republika, Parlamentu Nasional mos hanesan, nomos ba munisipiu hetan 6.6 pursentu.
Ministru Prezidensia no Konselhu Ministru (KM), Ágio Pereira hatete, durante nee MF servisu makaas hodi aselera prosesu nee, no ohin KM aprova ona tetu orsamental.
Entretantu, tuir dadus neebe STL asesu, tetu OJE ba 2024. Antes nee governu iha senariu 4, husi tetu US$1.6 bilhaun too U$1 9 bilhaun, maibe ohin iha KM aprova US$ 1.6 bilhaun.
(gui)
