DILI, STLNEWS.co – Bankada CNRT iha uma fukun Parlamentu Nasional (PN) konsidera deklarasaun Sekretariu Jeral Partidu FRETILIN, Mari Alkateri katak, atu ba luut ka fo tolun ba iha knuk Tasi Tolu mos se laiha impaktu atu sobu militante Partidu CNRT.
Tuir Prezidente Bankada CNRT, Deputadu Duarte Nunes hatete, nee tempu politika nian, bainhira halo komentariu ba ema ida nia komentariu sai kolen, maibe saida mak politika sira koalia nee sira nia direitu.
“Maibe realidade mak nee, bainhira CNRT mak nakonu iha neeba (Tasi Tolu) nee, nia (FRETILIN) ba iha neeba nee atu hatun bandeira hotu ka, ou liu tiha ors ida atu aumenta tan mak iha karik, laiha inpaktu ba sira iha neeba, mais atu aumenta tan mak iha,” dehan nia ba STL iha PN, Kuarta (29/03/2023).
Deputadu nee akresenta, bainhira nia ba liu tiha oras depois Prezidente Partidu CNRT nian ba ema hulan tiha no ema aumenta iha neebe too festa kuaze atu too loron, mais dehan labele entaun sira para tiha, la konsege too loron, maibe sira koalia nee direitu sira nian no ita nafatin respeita.
Aleinde nee, Prezidente Bankada FRETILIN, Deputadu David Dias Ximenes “Mandati” hatete, se mak halo deklarasaun nee tenki husu fila fali ba sira.
“Tanba hau la tama iha pontus sira nee, sira hatene halo deklarasaun no sira mak tenki responde, hotu-hotu halo ninia kampanha, idak-idak koalia ninian, no hau laos atu halo fali konkluzaun,” hatete nia.
(dom)
