DILI, STLNEWS.co – Deputadu sira husi Komisaun C, Parlamentu Nasional (PN) trata asuntu Finansas Publikas halao fiskalizasaun ba Pertamina Internasional Timor, S.A (PITSA), relasiona ho espekulasaun iha publiku katak stok mina kombustivel laiha, maibe espekulasaun nee laloos, tanba mina iha hela no horikalan PITSA foin hatama tan stok.
Bainhira halao fiskalizasaun iha PITSA Pantai Kelapa Kinta nee (28/07/2022), Prezidente Komisaun C, Maria Angelica Rangel ba jornalista hatete, agora daudaun PN iha tempu resesu hela, maibe sira nafatin toma responsabilidade nudar orgaun fiskalizador, iha semana nee sira observa hela situasaun konaba folin mina sae, ema antrian iha pertamina hadau malu ense mina. Maibe sira mos hatene katak agora daudaun governu fo subsidiu ba pertamina balu hodi fo ba transporte publiku neebe governu aprova hodi fo subsidiu.
Maibe iha loron 4 semana ida nee iha espekulasaun dehan, stok mina atu laiha ona, no sira simu kontaktu husi ema barak atu foti kestaun nee iha parlamentu, maibe tanba agora PN resesu hela, tanba nee aktu neebe mak sira halo tun direta ba terenu hodi haree situasaun riil neebe iha.
“Realidade ami too iha kompanhia neebe hatama mina mai, kompanhia nee dehan katak stok mina foin tama horikalan no Kaston sira mai verifika hotu ona atu hodi prosesu ba selu taxa, neebe stok mina iha hela, espekulasaun neebe iha laloos”, informa Prezidente Komisaun C, Maria Angelica Rangel.
Kontinua ba pajina 2
