DILI, STLNEWS.co – Komisaun D neebe trata Asuntu Ekonomia no Dezenvolvimentu Parlamentu Nasional (PN), kompromete sei tun ba terenu hodi halo inspesaun ba presu foos iha merkadu.
Prezidente Komisaun D neebe trata asuntu Ekonomia no Dezenvolvimentu, Ricardo Baptista dehan, relasiona ho problema folin foos neebe kontinua nafatin sae, maski governu lori ona lei ratifikativu mai PN no parlamentu aprova no PR promulga ona, maibe liga deit taxa ba iha adineru.
“Iha tempu badak ami sei lao no tun ba iha baze halo inspesaun hodi haree katak, foos neebe folin nafatin sae nee stok tuan ka stok foun. Karik stok tuan, entaun sira sei fan nafatin tuir presu neebe sira hatama antes, depois stok foun mak ita haree,” dehan nia ba jornalista sira iha PN, Kuarta (06/09/2023).
Nia afirma, maibe horiseik Ministru MTC mos koalia ona katak, CLN halo intervensaun iha merkadu hodi kontra folin foos iha merkadu, nunee bele normaliza hikas presu foos iha terenu.
“PR maski promulga ona i signifika lei nee entre vigora ona, maibe ita haree importer sira hatama foos sei iha stok tuan ka oinsa, se stok tuan mak sira tenki fan tuir nafatin presu stok nee. Bainhira stok foun mai mak sira foin haree foos nee ho nia folin oinsa, tanba sira sei liga ba mos ho taxa neebe iha,” hatuir nia.
(dom)
