DILI, STLNEWS.co – Konfirmasaun votus ba alterasaun lei eleitoral parlamentu, Parlamentu Nasional (PR) seidauk haruka ba Prezidente Republika (PR) Jose Ramos Horta.
Hatete Prezidente Parlamentu Nasional (PPN), Aniceto Guterres ba jornalista sira, Kinta nee (23/03/2023).
“Konfirmasaun votus ba alterasaun lei eleitoral, PN seidauk haruka ba PR”, informa PPN, Aniceto Guterres.
Enkuantu, jornalista koko husu bainhira mak haruka ba PR, no garante PR promulga ka lae, maibe PPN hatan obrigadu, hodi la fo tan komentariu.
Entretantu, Sekretaria meza hanesan mos portavos PN, Deputada Lidia Norberta hatete, konaba lei eleitoral parlamentu agora iha hela prosesu, komisaun sei kordena ho meza atu nunee haree hodi envia ba PR.
Tuir nia, atu dehan agora sei iha hela kordenasaun entre meza PN ho Komisaun A. Neebe bainhira mak atu haruka ba, maibe agora daudaun kordenasaun entre Komisaun A ho meza PN sei lao hela.
(gui)
