DILI, STLNEWS.co – Enviadu Espesial Ministru Negosiu Estranjeiru Republika Korea, Kim Chang -Beoom hatete, Governu Korea prontu nafatin apoiu adezaun Timor Leste (TL) ba ASEAN.
“Ami informa ba Ministra Negosiu Estranjeirus no Kooperasaun (MNEK) katak, Korea hatoo parabens ba Timor Leste foin lalais sai observador membru ASEAN nian,” dehan nia ba jornalista sira, bainhira remata enkontru ho MNEK Adaljiza Magno, iha Salaun MNEK Pantai Kelapa, Dili, Kinta nee (16/03/2023).
Korea nafatin iha komitmentu ida atu apoiu adezaun Timor Leste nian ba ASEAN no Organizasaun Mundial Komersiu (OMK), tanba nee iha momentu neebe TL presiza iha prosesu preparasaun hirak nee, Korea nafatin kompremitidu hatoo nia protidaun no ajuda adezaun TL nia ba iha organizasaun rua nee.
Nia informa, MNEK ohin hatoo pedidu rua liu-liu ba preparasaun sai membru foun ASEAN nian, tanba iha trabalha barak sei halo, nunee nia informa mai ami konaba asistensia tekniku kapasibility, husu Korea para atu ajuda.
“Tanba nee, ami konsidera pedidu MNEK nia nee ami fila ba Korea sei diskuti ho parte sira neebe relevante iha area sira nee, nunee ami sei fo fila resposta ba iha MNEK,” dehan nia.
(joa)
