DILI, STLNEWS.co – Relasiona ho matenek nain balu, katak la kleur tan gas iha Bayu Undan sei maran, tanba nee lakohi nasaun Timor-Leste (TL) bankarota, dada ona kadoras mai TL, sai hanesan fundus alternativas.
Kestaun nee hatoo husi eis Deputadu PD, membru Assemblea Konstituante, Ete Uco Guterres, katak kadoras nee presiza dada mai Timor-Leste, ida nee multifunsi, tanba dada mai sei fo servisu barak ba Timor oan i konstrusaun ba infraestrutura lao, povu nia produtu sira sei folin, tanba nee presiza governu buka oinsa bele dada Kadoras mai Timor, tanba Bayu Undan mos atu besik maran.
“Governu presiza buka ona dalan, labele hein kada tinan mak aprova deit Orsamentu Jeral Estadu (OJE) billaun ba billaun, maibe fizikamente orsamentu sira nee laiha rezultadu pozitivu, se ita la hanoin atu dezenvolve kadoras mai, aban bainrua ita nia nasaun sei bankarota, tanba laiha reseitas alternativas atu substitui fundu petrolíferu,” informa Ete Uco Guterres ba STL liu husi mensajen, Sesta nee (22/07/2022).
Nia informa, governu tenki hanoin ona oinsa atu dezenvolve hodi dada Kadoras mai, tanba agora gas iha Bayu Undan mos besik maran ona.
(gui)
