DILI, STLNEWS.co – Prezidente Komisaun Funsaun Publiku (KFP) Faustino Cardoso hatete, lei reforma ba funsaun publiku sei iha prosesu nia laran.
Lei reformadu ba funsaun publiku sira daudaun nee sei iha prosesu nia laran, tanba laos ba mediku deit, maibe iha enfermeiru, parteira, tekniku, aldiadu no sira seluk,” hatete Prezidente Komisaun Funsaun Publiku (KFP), Faustino Cardoso ba jornalista sira iha salaun KFP, Sesta (22/09/2023).
Nia tenik, iha profisional saude sira lubuk ona mak tama ba kategoria ho idade reforma liu-liu ho idade 60 ba leten.
Nia esplika, autoridade lejislatura neebe parlamentu aprova liu husi govenru atu regula idade reforma sira iha hela prosesu.
“Tanba nee, ita elaborasaun sira liu husi diskusaun hodi asegura ema sira neebe ho idade 60 ba leten,” nia dehan.
Nia informa, nee atu aplika lei reforma nee laos iha saude deit, maibe iha mos edukasaun no ministeriu sira seluk.
Iha fatin ketak, Profisional Saude, Jose Agostino da Silva hatete, Profisional Saude, koalia konaba idade reforma profisional saude sira barak kontinua servisu ba publika.
Hau idade 72 sei kontinua servisu, tanba nee bainhira loos maka lei nee iha para, ami sira nee bele reforma, tanba idade hanesan ami nee persiza deskansa ona, nia informa.
Nunee mos, Profesora Julmira da Costa deklara, manorin nain sira mos barak maka idade 60 no 70, maibe sei kontinua hanorin estudante sira, tanba Lei seidauk iha atu reforma sira.
Ita idade ona hanesan nee persiza reforma ona, maibe too agora Lei nee seidauk iha, entaun kontinua servisu, maibe tuir lolos nee idade 60 ba leten ona persiza deskansa iha uma, kakutak labele ona atu hanorin, nia afirma.
(jen)
