DILI, STLNEWS.co – Asesor Politiku Prezidensia Republika, Tenente Jeneral Reformadu Lere Anan Timur hatete, konstrusaun ba roo Haksolok daudaun nee atinji ona 80%, tanba nee iha tinan 2024 prontu ona no sei too Timor Leste.
Nia dehan, sira nain rua Xefi Estadu Maior Jeral F-FDTL, Tenente Jeneral Domingos Raul Falur Rate Laek vizita esterior ba iha Guine Bisau, delegasaun husi Prezidensia Republika ba partisipa serimonia 50 anos Independensia Guine Bisau.
Aleinde nee ba too Guine Bisau koalia ho Xefi Estadu Maior Jeral, ba halo vizita ida ho kuriosidade para hasai duvidas iha Timor Leste konaba roo Haksolok.
“Hau hanoin ami nia intervista ida nee halo Timor haksolok duni, laos boatus sira neebe mak rona dehan roo nee laiha, maibe atu hatete, roo nee atu diak ona. Hau bele dehan, 2024 roo prontu ona,” tenik nia ba jornalista sira iha sala konfrensia VIP Aeroportu Internasional Komoro, Dili, Tersa (21/11/2023).
Nia hatete, fabrika nain hatete, agora daudaun konstrusaun ba roo Haksolok atinji ona 80%, para hein labele espekula informasaun tun sae dehan roo nee aat ou ferujen.
Roo diak ona tenki kuida roo nee, ate agora tekniku Timor iha neeba laiha, ida nee problema governu nian.
“Nee mak ami rua ba haree, ami la bosok ona, maibe governu tenki haruka delegasaun ida ba haree tan,” dehan nia.
(mar)
