DILI, STLNEWS.co – Deputadu Bankada FRETILIN iha Parlamentu Nasional (PN) husu ba governu atu fo sansaun ba komunidade no kompanhIa sira neebe lakohi soe lixu ba fatin neebe determinadu ona iha kapital Dili.
Liafuan nee haktuir husi Deputadu Bankada FRETILIN David Dias Ximenes Mandati liu husi plenaria iha PN, Tersa nee (04/07/2023).
Tuir mandati, governu liu husi Autoridade Munisipiu Dili prepara ona fatin ba komunidade sira atu soe lixu, maibe tanba konsiensia komunidade neebe laiha atu soe lixu tuir fatin neebe mak iha, nunee lixu kontinua namkari iha fatin-fatin iha kapital Dili.
“Lixu nee iha kestaun lei no orden, entaun desizaun iha governativa para depois husu komunidade sira labele soe lixu arbiru deit, maibe kuandu soe lixu arbriu deit mak governu tenki fo sansaun, tanba bainhira la fo sansaun mak ema kontinua soe lixu arbiru,” dehan nia.
Nia hatutan, komunidade sira iha kampital Dili tenki komprimenta regras neebe Autoridade Munisipiu Dili estabelese ona konaba fatin no soe lixu tuir oras, nunee bele fasilita ekipa saneamentu atu rekolha lixu sira nee tuir oras.
(alb)
