Loke Espasu Atendimentu, BNCTL Inaugura Tan Ajensia 2


DILI, STLNEWS.co – Atu fo espasu ba iha atendimentu publiku sira, ohin Banku Nasional Komersiu Timor-Leste (BNCTL – sigla portugues) inaugura tan ajensia BNCTL iha Golgota no Ajensia Sakato-Oekusi, nunee banku bele fo asesu finanseira ba komunidade sira.

Lia hirak nee hatoo husi Prezidente Komisaun Ezekutivu BNCTL, Antonio Vitor ba jornalista sira, hafoin inaugura Ajensia BNCTL iha Golgota, Sesta nee (09/02/2024).

Nia dehan, planu estratejiku banku nian, liu-liu mos atu alina ho orientasaun husi Banku Sentral Timor-Leste (BCTL) nian, objetivu ida oinsa banku sira bele fo asesu ba finanseiru ba nia komunidade enjeral, liu-liu ba kliente banku sira nian. Ho prezensa ohin loke tan ajensia BNCTL iha Golgota, bele estende tan kobertura geografika iha Dili deit.

Nia dehan, iha ajensia barak ona, maibe haree katak atendimentu husi ajensia nee seidauk masimu ba kliente sira, ezemplu iha Kuluhun, Obrigadu Barak, Timor Plaza, iha EDTL, DNTT, iha Akanunu, ida nee mos dala barak haree ema forma atu hetan atendimentu nee naruk tebes.

Tanba nee, intensaun husi Komisaun Ezekutivu no Konselhu Administrasaun BNCTL nian, hanoin katak tempu ona para iha kapasidade ona atu loke tan ajensia seluk liu-liu ajensia iha Dili, kobre hela pelu menus mai husi Dili Osidental no Dili Oriental no Dili Timur, no Barat, tanba livre barak ona hanesan iha Kuluhun, Kaikoli sira besik ba Dili Timur, maibe iha Dili Barat seidauk mai.

Ajensia BNCTL nee se mak hatama kreditu bele hatama, se mak loke konta bele loke, foti osan mos iha nee la problema, naran aprova mak prosesu nee tuir nia eskalau i tuir nivel aprovasaun.

Maibe asesu ba banku nee laos prezensa deit, maibe asesu ba banku nee importante liu, oinsa bele fo servisu sira neebe ema bele selu ho kustu neebe razoavel ho taxa de jurus neebe razoavel.

Nia informa, karik aban bainrua haree ba iha posibilidade sei loke tan ajensia parte Taibesi nian, para atende sira husi parte Taibesi, Dare, atu nunee ema bele asesu lalais ba iha fatin banku nee.

Nia haktuir, nunee mos iha Ajensia Sakato-Oekusi liu-liu atu fasilita sira iha Fronteira, tanba ema tama sai iha Sakato nian nee barak, nunee bele fo atendimentu ba sira iha neeba.

Partisipa iha serimonia inaugura Ajensia BNCTL iha Golgota no Ajensia Sakoto-Oekusi partisipa husi Prezidente Komisaun Ezekutivu BNCTL, Visi Governador BNCTL, Sekretariu Munisipal de Pleneamentu Investimentu i Dezenvolvimentu, Xefi Devizaun, Xefi Sukursal.

(joa)

LEAVE A REPLY

Please enter your comment!
Please enter your name here