Manuel Noronha Substitui Kalohan Nudar Xefi Bankada

DILI, STLNEWS.co – Deputadu Manuel Henrique Noronha substitui Deputadu sesante Antonio da Conceição “Kalohan” nudar Xefi Bankada Partidu Demokratiku (PD) iha Parlamentu Nasional (PN).

“Horseik dia 10 lokraik, Visi Interina Bankada PD, Deputada Sancha Margarida Tilman konvoka enkontru ho deputadu nain 6 husi Bankada Partidu Demokratiku, demokratikamente ami halo eleisaun ona hodi hili Deputadu Manuel Noronha nudar Xefi Bankada PD,” dehan Deputada Bankada PD, Maria Teresa Gusmao ba jornalista sira iha PN, (11/01/2024).

Nia haktuir, Deputadu Armando Lopes asumi nudar Visi Bankada, tuir Deputada Rosenha Martins, no Deputada Sancha Margarida Tilman visi anterior asumi fali kargu iha konselhu administrasaun PN.

Nia esplika, deputadu sira halo eleisaun sekreta ho pakote 2, hanesan Deputadu Manuel Henrique Noronha ho Deputadu Armandu Lopes Pakote ida, tuir Deputadu Armando Lopes ho Deputada Rosenha Martins pakote ida, entaun husi rezultadu neebe vota sekretu ho nia rezultadu votasaun ba pakote A afavor 4 no pakote B afavor 2.

Entretantu, tuir observasaun STL katak, iha lorom 12 Dezembru 2023, Prezidente Republika (PR) Jose Ramos-Horta fo pose ba Antonio da Conceição hanesan Embaixador Timor-Leste ba Republika Indonezia (RI) ho mandatu tinan 3. Tanba nee, Deputada Rosenha Martins mak subtitui deputadu sesante nia fatin.

(dom)

LEAVE A REPLY

Please enter your comment!
Please enter your name here