MAP Diskuti Kualidade & Kuantidade Fini

DILI, STLNEWS.co – Governu liu husi Ministeriu Agrikultura no Peska (MAP),  Diresaun Nasional Agro no Komersiu, hamutuk ho Komisaun Konselhu Fini Nasional, diskuti politika hasae kualidade no kuantidade produsaun fini iha rai laran.

Tuir Ministru Agrikultura no Peska, Pedro dos Reis katak, objetivu husi diskusaun politika nee oinsa atu eleva no hasae tan fini iha rai laran no fini neebe kualidade, durante nee ministeriu lao ho politika kuantidade fini neebe oituan ho tonelada 120 kada tinan ba iha teritoriu nasional.

“Diskusaun neebe ita lao nee, fiar katak bele hetan nia solusaun ruma hodi hetan politika neebe diak, nunee ba futuru diresaun nasional fini nian bele servisu makaas ho asosiasaun produsaun fini sira, ho nunee fornesimentu fini ba agrikultura sira laos ho deit tonelada 120, maibe ita bele hasae liu tan ninia kuantidade no kualidade fini sira,” dehan Ministru MAP, Pedro dos Reis ba jornalista iha MAP Komoro, Segunda nee (25/07/2022.

Nia afirma tan, sira orienta ona diresaun sira, iha diskusaun nee atu nakloke ba malu no husi parte juridiku nian haree elebora sasan sira tuir nia termu legal, ho nunee lori ba Konselhu Ministru bele hetan aprovasaun.

Iha fatin hanesan, Prezidente Anaprofico TL, Egidio Mendonça esplika, istoria fini hahu kedas TL Independensia, lao hamutuk ho Ministeriu Agrikultura hodi estabelese grupu sira hahu husi tinan 2007 mai too 2011, no iha tinan 2015 grupu hirak neebe estabelese sai ona ba asosiasaun nasional hanesan Anaprofico TL hodi akumula fila fali grupu hirak neebe servisu iha MAP, bele produs fini espesial, hanesan batar, sele, nai, haree nakroman, fuhuk midar, no ai farina.

“Kuaze tinan 7 ita hapara ona fini husi rai liur, agora ita nia fini tinan tinan ita nia agrikultura sira prepara, hafoin ita nia governu liu husi Ministeriu Agrikultura mak sosa fila fali hodi distribui ba komunidade sira,” dehan nia.

Tuir nia katak, iha tinan 2015 too 2022, governu hapara ona fini hanesan batar butin, sele ho nai no haree nakroman.

(mad)

LEAVE A REPLY

Please enter your comment!
Please enter your name here

NEWS UPDATE

Peringati HUT FALINTIL Ke-47, 3 Jenderal Dari 3 Negara Terima Penghargaan Dari Pemerintah TL

DILI, STLNEWS.co – Dalam rangka memperingati Hari Ulang Tahun (HUT)  FALINTIL ke-47 (20 Agustus 1975-20 Agustus 2022), pemerintah Timor Leste (TL) akan memberikan penghargaan “Medalha...

Presiden Ramos Horta Hadiri Peringatan HUT India Ke-75

DILI, STLNEWS.co – Presiden Republik Demokratik Timor Leste (RDTL), Jose Ramos Horta, didampingi Menteri Luar Negeri dan Kerja Sama Timor Leste, Adaljiza Albertina Xavier Reis...

Zeca Kria Rasik Kampu Trabalhu Ba Nia Aan

BOBONARU, STLNEWS.co - Joven ho naran Zeca Pereira inisiativa kria rasik kampu trabalhu ba nia aan liu husi loke kafetaria ho naran "Kaduak Kafe"...