MAPPF Audiensia Ho Komisaun D


DILI, STLNEWS.co – Ministeriu Agrikultura Pekuaria Peska no Florestas (MAPPF) hamutuk Diretor Jeral sira marka audiensia ho Komisaun D neebe trata Asuntu Ekonomia no Dezenvolvimentu iha Parlamentu Nasional (PN), hodi aprezenta programa atividade ministeriu nian.

Kestaun nee hatoo husi MAPPF, Marcus da Cruz ba jornalista sira iha PN, Sesta nee (1/12/2023).

“Ami ohin tuir orariu parlamentu nian, mai halo audensia ho Komisaun D neebe tutela ba Setor Agrikultura Pekuaria Peskas no Florestas, ohin mai aprezenta ona programa atividade agrikultor nian, nunee aban bainrua sei ba plenaria,” nia tenik.

Governante nee relata, iha sorumutu nee aprezenta programa konaba agrikultura oinsa atu aumenta produsaun haree, batar, animal, ikan, segundu oinsa atu proteze ambiente ai-horis no area florestas sira.

Partisipa iha audiensia nee Ministru Marcus da Cruz, Sekretariu Estadu Peskas, Domingos da Conceição do Santos, Sekretariu Estadu Florestas, Fernandino Viera hamutuk ho Diretor Jeral MAPPF.

(gui)

LEAVE A REPLY

Please enter your comment!
Please enter your name here