DILI, STLNEWS.co – Sosiedade Sivil husu ba Parlamentu Nasional (PN) ho konsensia hili Komisariu foun ba Komisaun Anti Korupsaun (KAK), ho nunee bele halo sevisu hodi servi ba instituisaun refere, maibe membru PN laiha vontade atu diskuti Komisariu KAK foun.
“Los duni komisariu ida agora nee nia mandatu hotu ona, tanba nee husu ba Membru Parlamentu atu eskolha fali ema neebe iha kapasidade i prontu atu lidera KAK ba oin, tanba nee husu PN atu konsensu hili komisariu foun, ita labele abandona instituisaun sira hanesan nee,” kestaun nee fo sai husi Diretor HAK, Feliciano da Costa ba STL, Sesta nee (14/04/2023) iha JL Vila Hudi Laran.
Nia afirma, atu hili komisariu foun tenki mai husi PN no deputadu sira neebe tur iha neeba nee reprezenta povu, tanba nee sira tenki iha konsensus hili komisariu foun, karik membru parlamentu sira laiha vontade atu diskuti komisariu foun, mak sira sei kria hela risku boot ida, tanba sira laiha konsensus ba ida nee.
(mad)
