Ministeriu Justisa Lansa Aplikasaun Ajendamentu Online

DILI, STLNEWS.co – Ministeriu Justisa halo lansamentu aplikasaun ajendamentu online ba iha modu 4, neebe sei konsentra uluk iha Munisipiu Dili, hodi responde ba publiku sira nia preokupasaun durante nee.

“Serimonia lansamentu ba aplikasaun ajendamentu online ba atendimentu publiku iha Diresaun Jeral Servisu Rejistu Notariadu (DJSRN), serimonia ida nee akontese, tanba akontesimentu ida neebe estraordinariu tebes neebe mosu iha 22 Novembru 2023, neebe dada publiku nia atensaun tomak ba iha DJSRN, neebe mosu preokupasaun boot husi Ministru Justisa no dirijente iha Ministru Justisa nian, hasoru situasaun neebe akontese iha momentu neeba,” dehan Diretor Servisu Rejistu Notariadu, Joao Fernando Martins Borges ba jornalista sira iha edifisiu Ministru Justisa, Kinta (18/01/2024).

Nia hatete, Diretor Teknolojia Informatika (TIK) haree hela situasaun nee, halo kedan kontaktu ho Diretor Jeral Politika Justisa nian hodi buka solusaun imediata ba atendimentu iha Timor Leste, liu liu Ministru Justisa iha DJSRN.

Nia esplika, diskusaun tekniku neebe parte sira halo, ho kompromisu sira neebe mosu ho apoiu tomak husi dirijente Ministru Justisa apoiu politiku, no Ministru Transporte Komunikasaun (MTK) nia apoiu, tekniku sira iha vontade diak tur hamutuk hodi buka solusaun ba ida nee.

Joao dehan, husi diskusaun nee tekniku sira halo levantamentu no rekejitus neebe halo, parte TIK no ekipa sira konsege dezenvolve plataforma online ba atendimentu neebe ohin hahu nia lansamentu. No husi lansamentu nee halo mudansa ba atendimentu iha futuru no sei mosu mudansa signifikante ida iha atendimentu publiku.

Diretor nee reforsa, aplikasaun nee banati tuir programa governu nian neebe koalia konaba informasaun teknolojia no governu eletroniku, no pasu importante ida neebe konsege halo hamutuk ho TIK, muda sistema depois mak haree nia dezafiu sira iha implementasaun. No iha lamentasaun nee husu nafatin TIK atu apoiu iha mudansa aplikasaun, haree ba nia natureza, haree ba atendimentu diariu neebe sei lao, karik iha ezijensia ruma sistema nakloke atu bele halo mudansa.

Joao dehan, aproveita oportunidade nee agradese ba iha Ministru Justisa, Ministru Transporte no Telekumunikasaun (MTK), Visi Ministru no Sekretariu Estadu, ba apoiu neebe fo atu halao servisu iha momentu neeba. No agradese mos ba Diretor Ezekutivu Teknolojia Informatika (TIK) ho nia ekipa neebe la senti kole, hodi dezenvolve sistema hodi tulun no fo solusaun ba atendimentu publiku.

Konaba publiku sira nia kestaun lina internet la diak oinsa atu aplika iha futuru, diretor dehan, ida nee too iha tempu fazeadamente sei responde, no DJSRN depende ba buat rua, ida mak eletrisidade no linha internet, no atendimentu nee sei la fo iha fatin seluk, no ida nee mak sira nia problema baziku lo-loos.

(ter)

LEAVE A REPLY

Please enter your comment!
Please enter your name here