DILI, STLNEWS.co – Loron 120 Ministeriu Petroliu Rekursu Minarais (MPRM) sei fo prioridade ba Greater Sunrise no dada kadoras mai Timor Leste, tanba ne’e iha loron 120 ne’e sei halo re-estruturasaun iha setor petroliu, re-estabelese negosiasaun konaba Greater Sunrise hodi haree ba prosesu ne’e.
“Hau hanoin planu prioridade mak Greater Sunrise no dada kadoras mai TL, maibe haree ba 120 dias ne’e, tempu ne’ebe badak tebes, tanba ne’e diskusaun sei la hotu, tan ne’e ita presiza tempu ne’ebe naruk ho nune’e bele estabelese negosiasaun ne’e diak liu tan,” kestaun ne’e fo sai husi Ministru Petroliu Francisco da Costa Monteiro ba jornalista Kinta (27/07/2023) iha Parlamentu Nasional, hafoin remata audensia ho Komisaun D ne’ebe trata asuntu Ekonomia no Dezenvolvimentu.
Nia afirna, planu prioridade governu nian mak atu dada kadoras mai TL, tanba nee sei iha negosiasaun lubuk ida, maibe buka atu haree uluk lai ba konstrusaun sira ne’ebe lao daudaun ona. Tan ne’e governu nafatin halo esforsu makaas hodi alkansa objetivu sira ne’e ida, ne’e mak planu prioridade ministeriu nian.
(mad)
