DILI, STLNEWS.co – Ministru Defeza Filomeno da Paixao de Jesus hamutuk ho Xefi Estadu Maior FALINTIL Forsa Defeza Timor Leste (F-FDTL), Tenente Jeneral Falur Rate Laek ho komitiva aprezenta Lei Programasaun Militar no Planu Estratéjiku ba Prezidente Republika Jose Ramos Horta.
Bainhira remata halo aprezentasaun, Ministru Defeza Filomeno da Paixao de Jesus ba jornalista sira iha Palasiu Prezidente Bairu Pite, Tersa nee (21/03/2023) hatete, ohin sira mai tanba Prezidente Republika mak bolu hodi hatoo Planu Estratéjiku, no Lei Programasaun Militar ba Xefi Estadu.
“Prezidente bolu ami mai tanba natoon prezidente iha fali reuniaun ida, tanba nee ohin mai kontinua deit halo brifing ho prezidente konaba Lei Programasaun Militar, hun konaba dekretu lei aprozionamentu espesial ba F-FDTL,” dehan nia.
Ministru nee hatete, atu hetan Lei Programasaun Militar nee kerjer halo tiha estratéjiku foun ida ba F-FDTL, komesa husi konseptu estratejiku militar foun, misaun ba forsa konaba sistema forsa despostivu.
“Sira nee hotu ohin hatoo ba prezidente, no prezidente konkorda ho servisu neebe ami halo, ikus liu prezidente mos halo konsulta ba ita nia lider nasionais sira, antes nia hola desizaun ruma ba Lei Programasaun Militar,” katak ministru.
Tuir nia, lei nee nia laran iha hotu planu ona. Konaba ekipamentu nee iha hotu ona lei programasaun militar, komesa halo iha 2023, 2024, 2025 too 2033, halo planeamentu tinan 10 kedas. Ohin mai koalia nee foka liu konaba tinan 5 mai oin.
Prezidente Republika Jose Ramos Horta hatete, konaba lei aprovizionamentu nee espesial ba militar sira. Ida nee prezidente prontu atu promulga bainhira lei nee too ona iha meza prezidente nia.
(eme)
