MKI Hasai Funsionariu Kazuais Haree Prestasaun, Laos Tuir Gostu

DILI, STLNEWS.co – Ministru Komersiu no Industria (MKI), Filipus Nino Pereira informa, atu hasai funsionariu kazuais kontratu nee laos naran hasai deit, maibe haree lai ba sira nia prestasaun servisu durante nee, oinsa sira nia dedikasaun ba ministeriu nee, laos hasai tuir gostu deit.

“Ita haree nafatin ba prestasaun servisu nian, tanba ita labele hasai funsionariu ida tuir ita nia gostu, maibe presiza haree halo avalisaun dezempenhu ba prestasaun servisu neebe sira halao iha knaar fatin loron-loron nian,” dehan nia ba jornalista sira iha Matadoru, Segunda nee (11/12/2023).

Governante nee relata, tanba nee fulan 6 avalia sira nia servisu nee hahu husi fulan Julhu too mai Dezembru, tanba nee fo hela oportunidade ba funsionariu halo knaar iha MKI, tanba funsionariu kazuais sira balun servisu durante tinan 5 ba leten, balun tinan 10, nomos tinan 15 ba leten.

Tanba nee iha oportunidade lubuk ida neebe governu investe ona ba sira i haree took ba sira neebe hatudu prestasaun servisu atu bele kontinua kontratu nee, inprinsipiu hatoo ona ba sira notifisaun ba iha funsionariu kazuais sira nee, nunee sira mos tenki hatene katak, sira laos funsiaoriu permanente, tanba nee nafatin haree sira nia dezempenhu prestasaun servisu neebe iha, depois halo desizaun sira kontinua kontratu ou lae, no funsionariu kazuais iha MKI hamutuk 185.

(joa)

LEAVE A REPLY

Please enter your comment!
Please enter your name here