MS Fo Kontratu Tenki Ho Profisaun Saude

DILI, STLNEWS.co – Bankada PD iha uma fukun Parlamentu Nasional (PD) rekomenda ba Ministeriu Saude (MS) atu halo kontratu foun tenki ba ema neebe ho profisaun ba area saude nian duni, nunee bele halo atendimentu ba publiku ho diak.

Visi Prezidente Bankada PD, Sancha Margarida Tilman hatete, pesoal saude sira neebe kontratadu entermo serto, sira nia kontratu termina iha 31 Dezembru, agora atu haree fila fali ba oin nee depende ba politika MS nian.

“Agora ba pesoal saude sira neebe MS foin hapara daudaun, atu haree fila fali ba oin, MS rasik hatete ona katak, se mak atu mai subtitui fali ema sira nee iha kontratu foun, serake ema sira nee mak sei kontinua fali sira nia kontratu ou atu bolu fali ema seluk, maibe ami nia rekomendasaun mak labele bolu fali ema laos ho profisaun ba saude nian. Ezemplu saude nian mak kuandu bolu fali ema husi akuntansia nian mak ba, nee mos lalos ona, entaun pelumentu MS bele haree fali buat sira nee hotu,” dehan nia ba jornalista sira iha PN, Sesta (05/01/2023).

Nia afirma, MS sei haree no tetu didiak saida mak sira atu bele halo hodi fo atendimentu ba iha publiku liu husi MS rasik, maibe haree mos ba nia kontratu kuandu fulan 6 hotu entaun tenki hotu, depois kuandu presiza bele halo kontinuasaun ba ema nee ou bele kontratu fali ba ema seluk.

(dom)

LEAVE A REPLY

Please enter your comment!
Please enter your name here