DILI, STLNEWS.co – Ministeriu Sosialidariedade Sosial no Inkluzaun (MSSI) iha planu atu espande tan sentru nasional reabilitasaun iha munisipiu no postu administrativu sira.
“Espande sentru nasional reabilitasaun iha munisipiu, maibe sei halo espande too iha munisipiu no postu administrativu idak-idak, ida nee mak ami nia hanoin, maibe hau labele dehan hahu uluk husi munisipiu neebe,” lia hirak nee hatoo husi Ministra Solidariedade Sosial no Inkluizaun, Veronica Das Dores ba jornalista iha Timor Plaza, Sesta (15/09/2023).
Nia afirma, maibe tuir planu nee sei hahu espande sentru reabilitasaun iha munisipiu sira.
“Koalia konaba rekursu humanus nee hanesan ita hotu hatene katak, governu Australia mak apoiu rekursu humanus nomos apoiu finanseiru ba iha bolsu da mae jerasaun foun,” tenik nia.
Nunee mos Diretor Raes Hadomi Timor Oan (RHTO), Joaozito dos Santos informa, konaba espande sentru nasional reabilitasaun iha munisipiu sira nee.
“Tuir hau nia hanoin nee diak liu, ema defisiensia barak mak sempre ninia konsentrasaun nee iha Dili, neebe aseta tebes hanoin ida lori sentru nasional reabilitasaun nee ba iha munisipiu sira, atu nunee fasil ba ema ho difisiensia sira mai too iha Dili,” hatete nia.
Nia afirma, ida nee hanoin ida neebe mak diak, para nunee nesesidade ema ho difisiensia sira neebe mak presiza atendimentu no ekipamentu sira ba terapi nian nee, bele atende ona iha nivel munisipiu.
Tanba durante nee RHTO nia komitmentu apoiu nafatin ita referral ema ho defisiensia sira mai iha sentru nasional reabilitasaun, no ita mos iha dormitoriu ida hodi akomula maluk defisiensia sira.
(nat)
