DILI, STLNEWS.co – Ministeriu Turizmu Komersiu no Industria (MTKI) asina akordu ho ajensia development marketing husi Australia, atu reativa fali kooperasaun neebe durante nee lao tiha ona entre MTKI ho Governu Australia.
Tuir MTCI, Jose Lucas da Silva katak, servisu hamutuk entre MTKI ho Governu Australia nee kleur ona, durante Covid-19 halo ona diskusaun lubuk ida, no nia rezultadu mak hodi agora asina akordu nee, atu aviaun komersial neebe halo vou husi Timor Leste (TL) ba Australia atu lao fali mak sei lori progrseu, tanba bele lori mos turista sira husi Australia mai vizita fali situs turizmu iha TL.
“Hau hanoin aviaun nee semo ba mai ona mak sei lori vantajen, depois Covid-19 turista sira bele mai fali ona TL, tan nee Governu Australia liu husi ajensia balun neebe halo servisu hodi fasilita atividade ida nee, no esforsu Governu TL nian mak halo kampanhia hodi atrai turista sira,” kestaun nee fo sai MTCI ba jornalista iha edifisu MTKI Bebora, Dili, Sesta nee (29/07/2022).
Nia mos afirma liu tan, kooperasaun ida nee atu haree estratejia entre Governu TL ho ajensia MDF, oinsa bele halo kampanhia konaba turismu TL nian iha Australia, oinsa bele atrai ema sira nee mai TL.
Kontinua ba pajina 2
