DILI, STLNEWS.co – Ministeriu Transporte no Komunikasaun (MTK) asina kontratu ho Kompanhia RMS no DXN ba Civil Works for Landing Infrastructure (TLSSC) no Supply Instalation of Cable Landing Station (CLS).
Lia hirak nee hatoo husi Ministru Transporte no Komunikasaun (MTK), Miguel Manetelu Marques ba jornalista sira iha Salaun MTK, Sesta nee (22/09/2023).
Governante nee dehan, kompanhia rua involve iha prosesu nee atu hahu konstrusaun silvil ida nomos ba instalasaun kabu atraza nee iha Bebonuk. Prosesu nee lao kleur i prosesu tenderizasaun mai antes husi kedas governu anterior depois konklui.
Ministru Transporte no Telekomunikasaun (MTK), Miguel Manetelu Marques asina akordu ho Chief Executivu Officer DXN Limited, Shalini Lagrutta no CEO Kompania RMS Engineering and Construction, Erik Stokes.
“Ohin Ita asina akordu para sira bele hahu halo konstrusaun sivil nomos ba instalasaun kabo atraza nia iha Bebonuk i konstrusaun Sivil Kompania RMS sei halo no Kompania DXN sei halo instalasaun ba Kabu atraza nian,” dehan nia.
Nia dehan, konstrusaun nee laos primeira faze maibe asina kontratu seluk antes tiha ona neebe dada fiu husi okos projeitu nee lao i agora kompania uluk atu dada fiu nee iha Franca produs kabu neebe mak atu liu husi tasi okos nee, prosesu nee lao tiha ona, maibe konstrusaun iha Bebonuk nee parte ita nian TL tanba konstrusaun nee OJE.
“Ita tenki hahu konstrusaun nee antes fulan Abril no fulan Maiu tinan 2024 konstrusaun nee tenke remata hodi bele hamo prosesu koneksaun ba Kabu tasi okos nian, orsamentu ba konstrusaun nee ba Komapania RMS osan US$ 2 ital milhoes no ba DXN osan US$ 1 milhaun ital,” dehan nian.
Nia relata, garantia iha tinan oin remata tanba lei hatete katak se laiha garante asina kontratu minitu ikus husi DXN nian ohin asina, tanba RMS tama tiha ona, tanba nee antes fulan Abril no Maiu 2024 konstrusaun nee tenke konklui, nunee labele impaktu ba prosesu kabu iha tasi okos nee.
Konstrusaun nee iha Bebonuk Kompania Alkatel Nia manan ona produs Kabu tasi okos nian iha Fransa iha fulan Maiu 2024 nee nia dada kabu husi Australia mai, tanba nee iha fulan Abril no Maiu 2024 tenki hotu dever no direitu.
Tanba sa iha fulan Abril no Maiu 2024, konstrusaun tenke hotu tanba Kompania Alkatel dada fiu too ona tasi Timor nee konstrusaun nee seidauk konklui, roo ahi dada fiu nee tenke selu multa loron ida selu US$ 155 mil, tanba nee tempu tinan oin tenke remata fulan neebe deside ona.
()
