Nakfilak: Hakarak Ka Lakohi  FRETILIN Tenki Ukun

TURISKAI, STLNEWS.co Visi Prezidente Partidu FRETILIN, Jose Manuel Nakfilak hatete, hakarak ka lakohi iha eleisaun parlamentar tinan nee FRETILIN tenki manan para kaer ukun, nunee bele liberta povu husi kiak no mukit.

Dehan Nakfilak bainhira Partidu FRETILIN halao dialogu hamutuk ho kuadru, militante no simpatizante sira, iha Postu Administrativa Turiskai, Munisipiu Manufahi, Segunda (15/05/2023).

“Tempu ona atu ita hamutuk fila fali hodi fo ondra no dignifika ita nia Avo Francisco Xavier d Amaral iha prosesu libertasaun povu nian, tan horiuluk kedan sira hanoin harii ASDT ba FRETILIN iha 11 Setembru hakarak nee mak ida nee   oinsa atu liberta patria para depois hodi hahu libertasaun povu, maibe atu liberta patria nee ita lori tinan 24 no atu liberta povu ita sura didiak  hakat ba tinan 20 resin nia laran, tanba nee hakarak ka lakoi iha 2023 FRETILIN tenke ba kaer ukun hamutuk ho povu para hodi liberta povu husi kiak no mukit,”dehan Nakfilak.

Nia hatutan, ohin (Segunda-red) tama mai iha sergala hatete buat haat neebe dehan, aman mai ona, sama ain iha Tuskai, tuur iha nee atu lori ukun mai, aman nanis kedan bele rona, maibe atu hatete deit aman ba Turiskai nee mak Francisco Xavier do Amaral, primeiru Prezidente Repubika nian ba nasaun ida nee,tanba nee nia iha Turiskai nanis ona.” So ita Turiskai oan sira mak buka lahetan nia, lakoi buka hatene nia tur iha neebe, nia hamriik iha neebe ukun saida mak nia hakarak ba rai ida nee, neebe laos ami  foin mai hamriik tur iha nee mak  sai aman lae, maibe iha nee nanis ona,”katak nia.

Nakfilak afirma, iha lideransa balu hatete FRETILIN nee laiha ona bainhira Prezidente Nicolau Lobato mate, lahatene lia fuan ida nee referensia mai husi neebe mak nia hatete hanesan nee, nia haluha tiha katuas Xavier do Amaral sira , katuas Nicolau Lobato sira hotu hotu membru CCF sira neebe mate kuaze tomak lia fuan ida mak sira hatete deit  wainhira ema ida ka labarik ida mak moris iha Timor Leste nee FRETILIN sei moris nafatin no ukun rasik aan tenke mai duni,” Ttanba nee ita haree katuas sira mate tiha, FRETILIN hamutuk ho povu lori ita ba ukun iha 1999,”tenik Nakfilak.

Iha fatin hanesan Koordenador FRETILIN Munisipiu Manufahi ,Adriano Cortereal hatete, balu mai kestiona estrada husi Orahu mai Turiskai, la sukat se mak ukun tinan 15 hodi imi mai kestiona fali estrada husi Orahu mai Turiskai.

“Se FRETILIN mak ukun tinan 15 hanesan tinan 15 nee imi mai kestiona estrada nee loos, maibe imi ukun tinan 15 ho osan ida bar barak nee ba iha neebe mak mai kestiona fali estrada ida nee,” dehan Adrinao.

Nia dehan,CNRT ukun gasta osan US$ 14 bilhaun tuir loos Timor nee oinseluk ona, maibe osan sira nee ba para hotu  iha neebe la hatene, tanba realidade povu sei haleriik nafatin ba infraestrutura bazika. Maun boot la halo mos hili nafatin, fo tinan 5 tan ba maun boot , be maun boot  seidauk ukun ka tinan 15 gasta tiha osan bar barak ukun tan saida,” Neebe sira nee mai bosok deit ita, bosok para hodi naok osan, balu naok tiha ba para iha Portugal neeba la mai too agora,”katak nia.

(car)

LEAVE A REPLY

Please enter your comment!
Please enter your name here