DILI, STLNEWS.co – Atu forma IX Governu husi Partidu CNRT ho Partidu Demokratiku (PD), nomeasaun membru governu sira kompetensia Primeiru Ministru (PM) indizitadu.
Kestaun nee hatoo husi eis Deputada V Lejislatura husi Bankada CNRT, Carmelita Moniz katak, atu nomeia membru governu nee kompetensia konstitusionalmente fo ba Primeiru Ministru indizitadu.
“Informasaun hau ba Visi Ministru Justisa, hau la hatene nomeasaun nee kompetensia PM indizitadu, maibe hau rasik la hatene”, katak eis Deputada V Lejislatura husi Bankada CNRT, Carmelita Moniz ba jornalista, Tersa (27/06/2023) iha PN.
Nia dehan, kompetensia nee iha lider masimu partidu sira nian, tanba nee bele konfirma ho Prezidente Partidu CNRT, sira seidauk hatene konaba lista IX Governu.
Nunee mos Deputadu CNRT Patrocino Fernandes hatete, sira koalia beibeik ona katak, kompetensia atu koalia postura governu nee lideransa masimu. Tanba nee, hein iha parlamentu formasaun bankada sira, komisaun sira laos loos ona mak haree ba iha formasaun IX Governu.
Nia katak, atu afirma dala ida tan katak, postura governu kiik ka boot laos kestaun, maibe postura governu nee sukat ho programa, nunee bele implementa hadia povu nia moris.
(gui)
