DILI, STLNEWS.co – Lei Enkuadramentu Orsamentu (LEO) hatete katak, proposta orsamentu 2024 nian sei submete ba iha Parlamentu Nasional iha loron 1 fulan Outubru, bainhira haree ano nee normal, maibe haree ba governu ida nee foun, foin simu pose iha fulan Julhu nia laran, tanba nee fo tempu fulan 5 ba sira hodi submete mai Parlamentu Nasional.
“Ita haree ba governu ida nee foin simu pose iha loron 1 fulan Julhu nee, tanba nee ita konta husi fulan Julhu, Agostu, Setembru no Novembru, katak fulan 5 nee prienxe hela kriteria, LEO neebe altera iha Orsamentu Retifikativu, tanba altera tiha ona lei nee mak governu submete orsamentu 2024 nian iha fulan Novembru mai, nee la kontra lei, tanba altera tiha lei numeru 52,” kestaun nee fo sai husi Prezidente Komisaun C, Sedelizia Faria dos Santos ba jornalista, Kinta (31/08/2023) iha Parlamentu Nasional.
Nia afirma, diskusaun ba Orsamentu Jeral Estadu 2024 nian tenki halo iha fulan Novembru nia laran, no Dezembru tenki aprova ona, tanba OJE 2023 nian remata iha loron 32 Dezembru, tan nee haree ba tempu nee badak, maibe bele koopera, tan nee haree ba lina koordenasaun entre Parlamentu Nasional no governu diak tebes, tan nee diskusaun OJE 2024 nian ho lalais, se kuandu laiha proposta barak liu.
(mad)
