Numeru Violensia Domestika Aumenta, Tanba Sosiedade Hatene Lei

DILI, STLNEWS.co – Oras nee kazu violensia domestika numeru aumenta, tanba sosiedade komprende ona lei numeru 7/2010, katak violensia nee krimi publiku.

Kestaun nee hatoo husi Diretora Movimentu Feto Foinsae (MOFFE), Yasinta Lusina, ba STL iha nia knaar fatin Kaikoli, Tersa nee (26/07/2022).

“Vitima nee laos feto deit maibe mane mos, tanba nee bainhira kazu sira hanesan nee ema koalia sai no lori sai hodi relata ka keixa iha polisia ka ema seluk mak halo reportajen hodi hatoo keixa ba polisia, katak ema iha ona konhesimentu no hatene ona lei neebe mak fo protesaun ba ema nia direitu, liu-liu direitu umanus, katak atu asegura ema hotu nia moris ho dignu no diak iha sosiedade,” katak nia.

Diretora Movimentu Feto Foinsae (MOFFE), Yasinta Lusina (Foto: STL/Emerenciana Pinto)

Nia hatutan, agora laos kestaun numeru, maibe importante mak ema hotu iha konsiensia, katak violensia nee hahalok aat, hahalok la diak, la respeita ema nia dignidade, tanba nee presiza halo asaun hasoru, nunee ema bele hapara hahalok nee.

Nunee mos eis Sekretaria Estadu ba Igualidade no Inkluzaun (SEII), Maria José da Fonseca Monteiro de Jesus hatete, lei violensia domestika numeru 7/2010 tinan 10 iha implementasaun, sosiedade barak konsiente ona katak, violensia domestika no violensia bazea ba jeneru nee krimi publiku, tanba Kazu violensia domestika kada tinan rejistu aumenta.

Eis Sekretariu Estadu dehan, ida nee bele hatudu katak esforsu seidauk masimu, maibe hatudu mos servisu advokasia neebe halo komesa fo rezultadu, ema barak hatene ona violensia hasoru feto no labarik feto, no violensia domestika nee krime publiku, signifika ema se mak sai vitima, sobrevivente no sasin tenki hatoo keixa.

(eme)

LEAVE A REPLY

Please enter your comment!
Please enter your name here

NEWS UPDATE

Peringati HUT FALINTIL Ke-47, 3 Jenderal Dari 3 Negara Terima Penghargaan Dari Pemerintah TL

DILI, STLNEWS.co – Dalam rangka memperingati Hari Ulang Tahun (HUT)  FALINTIL ke-47 (20 Agustus 1975-20 Agustus 2022), pemerintah Timor Leste (TL) akan memberikan penghargaan “Medalha...

Presiden Ramos Horta Hadiri Peringatan HUT India Ke-75

DILI, STLNEWS.co – Presiden Republik Demokratik Timor Leste (RDTL), Jose Ramos Horta, didampingi Menteri Luar Negeri dan Kerja Sama Timor Leste, Adaljiza Albertina Xavier Reis...

Zeca Kria Rasik Kampu Trabalhu Ba Nia Aan

BOBONARU, STLNEWS.co - Joven ho naran Zeca Pereira inisiativa kria rasik kampu trabalhu ba nia aan liu husi loke kafetaria ho naran "Kaduak Kafe"...