LAGA,STLNEWS.co – Koordenador Organizasaun Juventude Partidu CNRT (OJP-CNRT) Munisipiu Baukau, Eduardo Filipi Ximenes hatete, OJP iha prinsipiu politika no garantia CNRT manan iha Baukau, hodi lori Maun Boot Kay Rala Xanana Gusmão ba Primeiru Ministru IX Governu.
“OJP CNRT Munisipiu Baukau, em pinsipiu garantia CNRT manan iha Baucau, desde partidu nee hamrik, ami iha komitmentu boot nafatin fo ami nia votus sem rezerva ba maun boot Kay Rala Xanana Gusmão ba Primeiru Ministru IX Governu, liu husi Partidu CNRT hodi lori bele liberta kiak no mukit iha rai ida nee,” dehan Eduardo Filipi Ximenes ba STL bainhira CNRT halao atividade mini kampania iha Tekinomata, Laga, Baukau, Segunda nee (25/4/2023).
Tuir nia, saida mak OJP-CRNT halo nee hanesan prinsipiu neebe sira halo, durante Partidu CNRT ezisti hodi apoiu Kay Rala Xanana Gusmão iha kualker tempu sem rezerva.
“Ami fiar katak, votus CNRT iha Munisipiu Baukau sei aumenta makaas, em prinsipiu ami atu buka manan, maibe jogu demokrasia nee povu mak sei determina, maibe ami fiar metin CNRT nia votus sei aumenta kompara ho eleisaun Parlamentar 2017, sei aumenta boot kompara ho munisipiu sira seluk,” hatete nia.
Nia sublina, eleisaun liu ba 2017 votus CNRT iha Munisipiu Baukau 6 mill deit.
Koordenador OPJ CNRT Baukau nee afirma, votus 6 mill neebe hetan nee iha 2017, maibe iha eleisaun 2023 nee.
“Iha 2023 ami garantia katak, votus nee sei aumenta dook liu tan, hanesan koordenador OJP-CNRT hau apela ba estrutura OJP-CNRT husi postu, suku no aldeia atu kontinua ho estrutura munisipiu hodi halibur joven sira, hodi fo vitoria ba Partidu CNRT iha eleisaun 2023,” tenik nia.
(cri)
