DILI STLNEWS.co – Liu husi Osamentu Retifikativu, Sekretaria de Estado da Igualdade (SEI) la husu tan osan, no nafatin deit ho Orsamentu Jeral Estadu neebe alokadu tiha ona iha tinan 2023 nee.
“Orsamentu Retifikativu ami la husu tan osan, maibe ami nafatin ezekuta deit orsamentu neebe alokadu tiha ona ho montante US$ 2 milhoens ital ba programa rua, obrigasaun no kompromisu sira, tanba nee ezekutasaun lao diak, too agora ultrapasa ona 90%, fiar katak bainhira tinan nee remata ami bele ezekuta too 95%,” lia hirak nee fo sai husi SEI, Elvina Sousa ba jornalista Tersa nee (01/08/2023) iha Ministeriu Finansa.
Nia afirma, programa 120 hari nee, SEI aloka ona osan iha neeba, atu nunee bele defini programa nee nomos programa diares, tanba programa 120 dias nee mak servisu transferensia fo biban ba asosiasaun feto potensial sira neebe halo programa, hanesan kapasitasaun no advokasia ba feto sira atu ativu iha eleisaun suku nomos programa sira seluk neebe SEI sei halo too iha suku sira, halo revizaun ba lei violensia domestika, kriminaliza insestu ho pena neebe todan, tan nee tinan ida nee bele rezolve daudaun ona problema balun.
(mad)
