Osan Milhaun US$ 30 La Fila Ba Kofre Estadu, Hein Auditoria

DILI, STLNEWS.co – Relasiona ho orsamentu milhaun US$ 30 iha mandatu VIII Governu, hodi implementa Uma Naroman ba Povu (UNP), la fila kofre ba estadu, hein prosesu auditoria.

Tuir Deputada husi Bankada CNRT, Virginia Ana Belo katak, bainhira Primeiru Ministru (PM) Xanana koalia, kerdizer iha evidensia iha baze, osan nee mais de US$ 32 milhaun ba projetu implementasaun uma kbiit laek.

“Osan nee devia fila ba kofre estadu, lae, maibe sei iha hela banku, maibe prosesu lao hela, auditoria sei lao hela, neebe hein auditoria konklui ona mak ita haree rezultadu, maibe dalan tenki lori lao tuir justisa duni”, katak Deputada husi Bankada CNRT, Virginia Ana Belo ba STL iha Parlamentu Nasional, Tersa (09/012024).

Nia dehan, iha auditoria haree rai hela osan iha banku mak sistema lo-loos ka , ou tuir loos tenki fila ba kofre estadu.

Neebe PM Xanana koalia nee iha duni evidensia balu, neebe PLP dezafia PM Xanana atu lori ba tribunal nee nornal, tanba nee atu hafanun nafatin, katak se iha duni buat sira hanesan nee nia dalan tenki lao tuir justisa.

Tuir nia, CNRT sempre defende lia loos ho buat neebe loos, atu buat hotu lao tuir nia koridor, tanba nee CNRT atu dehan, hein deit rezultadu sei hatudu iha prosesu auditoria.

(gui)

LEAVE A REPLY

Please enter your comment!
Please enter your name here