PD Sei Fo Klareza Estatutu Profesores Kontratadu

DILI, STLNEWS.co – Partidu Demokratiku (PD) manan iha eleisaun parlamentar, ba ukun sei fo klareza ba estatutu profesores kontratadu no hasae subsidiu idozus.

Tuir Prezidente Organizasaun Mulher Demokratiku (OMD) atual Deputada PD, Elvina Sousa hatete, PD iha kampanha mai ho programa laos ba ho insulta, tanba nee iha dia 21 Maiu husu militantes, simpatizantes no povu tomak atu vota ba PD, numeru 4. PD komprimidu atu hadia povu nia moris liu husi programa neebe mak iha ona.

“Laos nee deit, maibe PD sei hasae tan subsisidiu idozus, sei fo klareza ba estatutu profesores sira hodi hadia profesores sira nia moris, tanba nee PD preparadu atu ba ukun”, katak Pezidente Organizasaun Mulher Demokratiku (OMD) atual Deputada PD, Elvina Sousa iha kampanha eleitoral ba dala 13, iha Tasi Tolu, Dili, Domingu (14/05/2023).

Entretantu, iha parte seluk Visi Bankada FRETILIN, Josefa Alvares Segunda nee iha parlamentu hatete, konaba estatutu profesores kontratadu balu ba ona permanente balu seidauk, ida nee tanba kestaun dokumentus, tanba iha kriteria hirak neebe mak Ministeriu Edukasaun husu atu sira aprezenta. Maibe barak nia dokumentus aprezenta, nee balu lori ba.

Nia dehan, laos sira la asina tanba kestaun saida lae, maibe tanba deit sira nia dokumentus seidauk aprova ka seidauk lori ba aprezenta kompletu, karik sira kompleta tiha dokumentus nee sira bele asina, ida nee tuir informasaun neebe mai husi Ministeriu Edukasaun.

Tuir nia, presiza governu tuir mai atu fo kontinuidade, karik profesores balu neebe estatutu seidauk serteza.

(gui)

LEAVE A REPLY

Please enter your comment!
Please enter your name here