PD Selebra Aniversariu Ba Dala 22


DILI, STLNEWS.co – Partidu Demokratiku (PD) selebra aniversariu ba dala 22, Prezidente PD Mariano Assanami Sabino hatete, ho selebrasaun nee PD sei buras, lao ho diak, nudar kontinuasaun husi prinsipiu lutador sira nian, katak sai nasaun ida, nasaun demokratiku.

Nia dehan, ohin loron importante tebes, PD selebra aniversariu ba dala 22 eziste iha Timor Leste. Parabens ba povu tomak, ba joven sira neebe nain ba PD feto ho mane, ema hotu-hotu esforsu esperansa ba PD, parabens ba ema hotu.

“Ita hotu hein katak PD sei buras lao diak, nudar kontinuasaun husi prinsipiu lutador sira katak, nasaun ida nee sai nasaun demomtratiku valor demokrasia sei sai lisaun ba ukun,” hatete Asanami ba jornalista iha Sede PD Colmera, Sabadu nee (10/06/2023).

Agradese ba Maromak tanba nia tulun, grasa kuidadu nee mak partidu eziste nafatin, agradese ba eroi funu nain sira, lutador sira hotu, loron 10 fulan Junhu mos loron akontese Marabia, tanba nee loron importante mos ba resurasaun militar.

“Ohin ita hakarak onra ba eroi no gloria eroi funu nain sira, ita hotu nia orasaun ba sira iha Maromak nia sorin kuana, tulun nafatin ita hodi nafatin kontinua sira nia mehi, hanoin atu fo kontinuasaun, ita hotu hetene ita partidu nee kontinuador, tanba nee nunka haluha sakrifisiu luta eroi sira ba ita nia rain,” hatete Assanami.

Iha fatin hanesan, Sekretariu Jeral Partidu CNRT, Francisco Kalbuadi Lay hatete, uluk nanain lori Prezidente Partidu CNRT, Kay Rala Xanana Gusmao no estrutura iha teritoriu laran tomak, hatoo ami nia parabens ba PD halo tinan ba dala 22, ita labele nega ema neebe harii rai hela legasi ba ita, Saudozu Lasama,” hatete Kalbuadi.

Nia hatete, nia fuan Maromak asina no hakerek hela iha neeba, dehan katak o labele haketak o nia aan husi PD, sempre koalia PD mak CNRT, CNRT mak PD, horiseik partidu rua nee hasoru PR dala rua i ohin PR iha nee mos deklara katak partidu rua sei servisu ba oin hamutuk la fasil.

Tanba povu fo ona fiar liu husi sira nia votus, oinsa partidu rua nee hamutuk atu ba tane fiar neebe povu fo, tanba ema hotu haraik aan servisu barak.

Partisipa iha selebrasaun aniversariu nee, Prezidente Republika Jose Ramos Horta, Prezidente PD, Sekretariu Jeral PD no estrutura PD.

(joa)

LEAVE A REPLY

Please enter your comment!
Please enter your name here