PDC Husu Governu Foun Ukun Ho Fuan

DILI, STLNEWS.co – Partido Democrata Cristao (PDC) husu ba governu se deit mak ukun, tenki ukun ho fuan.

Kestaun nee hatoo husi Visi Prezidente Asuntu Politika Eleitoral (PDC), Domingos da Costa ba STL iha Bairo Formoza, Domingu nee (21/05/2023).

Nia dehan, ohin tuir ona vota, maibe aban bainrua governu neebe ukun tenki ukun ho fuan, labele ukun ho kakutak, tanba joven barak mak sei sai dezempregu, nomos inan aman sira neebe durante sei iha suku no aldeia terus nafatin ba hela fatin.

Ho ida nee, nudar reprezentante Partidu PDC hakarak nafatin fo hanoin ba ukun nain sira, se deit mak ukun tenki ukun ho fuan, tanba ukun ho fuan para bele kobre ona inan no aman sira neebe iha suku no munisipiu neebe sei terus.

“Ami hanesan partidu ida, se povu fo fiar mai ami sei halo promesa neebe mak hatoo ona ba povu, tanba durante nee ami seidauk partisipa iha governu, maibe ami halo ona buat balun, neebe ami halo ona sentru saude 9, ida nee laos apoiu husi governu, maibe apoiu husi doadores sira,” dehan nia.

Nia mos informa, hanesan partidu husu nafatin ba partidu sira, bainhira sira ukun karik kontinua para bele hadia povu nia moris, neebe povu nia saude nee importante, tanba iha tinan barak povu kontinua moris iha terus laran.

(nat)

LEAVE A REPLY

Please enter your comment!
Please enter your name here