DILI, STLNEWSco – Bankada Partidu Libertasaun Popular (PLP) iha Parlamentu Nasional (PN) konsidera IX Governu Konstituisional altera Lei Enkuadramentu Orsamental (LEO) ho paniku, tanba atu duni mandatu iha 120 dias nia laran.
Kestaun nee haktuir husi Xefi Bankada PLP, Maria Angelina Lopes Saramento iha debate OR iha PN, Tersa (22/08/2023).
“Ami konsidera alterasaun LEO bele halo ho lufu-lafu no paniku, tanba duni hela tempu 120 dias mandatu, se lei ida nee la altera bele prezudika governu nia prazu 120 dias, no bele atraza preparasaun OJE 2024, hanesan razaun neebe governu despoin iha nee,” dehan nia.
Nia afirma, alterasaun LEO no lei tributaria, Bankada PLP preokupa, tanba LEO nudar lei etruturante, i governu aproveita kavaleiru orsamental hodi lori artigus hamutuk boleia tuir 18 artigu neebe mesak importante, no esensial deit hodi regulariza lalaok implementasaun OJE.
Nia hatete, preokupasaun ida nee hatete mos iha re-intera fila fali iha relatroriu Komisaun C katak, iha lejislatura anterior bankada opozisaun iha momentu neeba durante debate espsialidade ba LEO hatete, aprova lei nee ho kuidadu, no iha relatoriu paraser katak, atu halo alterasaun ba lei LEO no lei tributaria tenke iha diskusaun ida profunda no kuidada, ida nee bele halo liu husi aprezentasaun proposta alterasaun ba lei separada.
Nia sublina, melor ponderasaun no kuidade hodi reve artikuladu sira, bele konfirma iha relatoriu paraser komisaun C pazina 26 alina 4, nunee rekomedasaun iha alina A husi pazina 37.
Nunee mos Deputadu Bankada CNRT, Gabriel Soares dehan, governu ida nee mai lufu-lafu deit ka paniku ou duvidas, maibe atu dehan governu ida nee mai ho kuidadu teb-tebes nia sukat haree ba sasan hotu-hotu, no haree ba fali lansu hotu-hotu neebe mak akontese.
“Entaun avansa fali ba nia kuantidade laos lufu-lafu, se lufu-lafu karaik ohin aprova programa IX Governu i aban OR mai ona, maibe lae nee mak tenke haree orsamentu sira neebe mal gastu no mal alokadu sira nee tenke tau iha nia fatin,” dehan nia.
Nia tenik, mai tenke ho orsamentu neebe loos no diak, IX Governu la paniku, mais IX Governu kalma no halo analiza ba orsamentu hodi lori mai deskuti, Governu nunka hanoin atu duni 120 dias nee, mais 120 nee atu haree duni buat neebe lalos iha governu anterior para bele hadia, neebe la duni tempu 120 dias nee.
Nunee mos Primeriu Ministru (PM) Kay Rala Xanan Gusmao hatete, hakarak defeza de ondra atu hatan ba, temi beibeik paniku-paniku.
“Loos duni hau paniku duni, paniku tanba iha revizaun orsamentu haree ba forma LEO halo hau paniku tebes-tebes, iha programa no sub programas, hanesan MOP neebe iha programa 2, primeriu boa governasaun no tuir igualidade generu,” hatete nia.
Nia haktuir, boa governasaun, tanba ho sub-programas oin-oin mak haree kaer osan husi bens servisu ba selu fali ema, husi salariu ba sosa fali kapital menor, kapital menus ba fali bens servisu, ida nee mak halo paniku tebes.
(dom)
