PLP Ukun Sei Diversifika Ekonomia

DILI, STLNEWS.co – Partidu Libertasaun Popular (PLP) mak hetan fiar husi povu kaer ukun iha IX Governu, sei diversifika ekonomia iha setor 4 no transforma Kristu Rei sai ASEAN Resort.

Kestaun nee hatoo husi Prezidente PLP, Taur Matan Ruak liu husi nia intervensaun iha kampanha eleitoral neebe halao iha Tasi Tolu, Dili, Kuarta nee (17/05/2023).

Nia hatete, programa partidu nia sei tau orsamentu 1000 Juta hodi diversifika ekonomia.

“Ita iha problema boot konaba hahan, ita boot sira neebe matenek no alin sira neebe eskola rona beibeik konaba diverfikasaun ekonomia, se ita depende deit ba mina, ekonomia ita nia rai laran ladiak, iha ita nia programa ida nee ita tau 1000 juta ba diversifikasaun ekonomia ba setor 4, mak hanesan peska, agrikultura, turizmu, ho agro-pekuaria, turismo ita sei transforma Dolok Oan Kristu Rei sai ASEAN Resort,” katak nia.

Taur hatutan, vota numeru 3 nunee implementa programa sira nee halo Timor sai sidade furak liu tan.

Nia afirma, hadia mos hospital Lahane, hadia infraestrutura ho kualidade, tanba tinan-tinan haruka moras ba ema nia rai hodi halo tratamentu no lakon US$ 12 milhoens para haruka moras ba ema nia rai.

(eme)

LEAVE A REPLY

Please enter your comment!
Please enter your name here