DILI, STLNEWS.co – Primeiru Ministru Kay Rala Xanana Gusmao bolu atensaun ba Polisia Nasional Timor Leste (PNTL) nomos Ministeriu Interior (MI), hodi haree ba grupu deskonhesidu neebe kalan-kalan asaltu komunidade neebe uza motor lao iha tempu kalan.
Primeiru Ministru Kay Rala Xanana Gusmao hatoo lia hirak nee ba jornalista sira, bainhira remata hasoru malu ho Prezidente Republika Jose Ramos Horta iha Palasiu Prezidente Bairo Pite, Kinta (27/07/2023).
Relasiona ho grupu deskonhesidu neebe kalan-kalan ataka komunidade neebe ho motor lao iha tempu kalan, ho kazu nee PM husu PNTL ho MI hodi haree, nunee kaptura suspeitu sira nee sulan iha komarka.
Primeiru Ministru hatete, relasiona ho kazu nee, PM hatete, nee importante tebes, tanba nee bolu atensaun ba Polisia Nasional Timor Leste.
“Hau bolu atensaun ba polísia, bolu atensaun ba Ministru Interiór hodi haree ba ida nee, haree iha neebe akontese nee no kaer ema sira nee hatama iha kadeia, nunee ita bele iha pas no seguru,” katak PM.
Prezidente Republika Jose Ramos Horta husu atu halao servisu ho diak no lo-loos tuir regra neebe iha. Tau prioridade servisu labele koalia mak barak, maibe tenki fokus servisu.
(eme)
