DILI, STLNEWS.co – Primeiru Ministru Kay Rala Xanana Gusmao relata orsamentu ratifikativu (OR) neebe aprova ona iha Konselhu Ministru, no aprezenta ona ba iha PN, ba iha Prezidente Republika Jose Ramos Horta.
Lia hirak nee hatoo husi Primeiru Ministru Kay Rala Xanana Gusmao ba jornalista sira iha Palasiu Prezidente Bairo Pite, Sesta (11/08/2023).
Nia hatete, lo-loos enkontru iha Kinta, maibe tanba iha Kuarta no Kinta okupadu hela ho OR, tanba nee ohin mak relata ba iha Prezidente Republika.
“Semanalmente mais iha Kinta feira, maibe iha Kuarta no Kinta horiseik okupadu ho orsamentu ratifikativu neebe aprova tiha ona horiseik haruka tiha ona ba Parlamentu Nasional, hein katak, sein osan labele funsiona nomos ami mos haree konaba organika ministeriu idak-idak ninia lori tempu oituan lae, nee ohin ami kontinua, maibe komu serimonia ida ASWAN nia hau tenki ba,” dehan Primeiru Ministru, Xanana.
Nia hatutan, relasiona ho Timor Leste nia adezaun ba ASEAN, Prezidente mos koalia ona iha Jakarta, no iha Kinta mos PR halo palestra konaba ASEAN nia.
” Ita sei tenta tama ASEAN iha 2025, depois orsamentu aprova tiha, estadu lao diak, lao avontade oituan, ami prepara planu asaun anual ba 2024, 2025, 2026 hodi prepara fali Orsamentu Jeral Estadu ba tinan mai nee,” dehan Xanana.
(eme)
