PM Xanana Sei Buka Tuir Orsamentu PNDS 2021-2022

DILI, STLNEWS.co – Primeiru Ministru (PM) Kay Rala Xanana Gusmão sei lao haleu munisipiu hotu iha Timor Leste, hodi buka tuir Programa Nasional Dezenvolvimentu Suku (PNDS) neebe implementa, no sei buka tuir Orsamentu Jeral Estadu (OJE) 2021 no 2022.

Tuir PM Xanana Gusmão, 2021 alokasaun orsamentu ba PNDS US$ 21 milhaun. Ezekusaun US$ 19 milhaun, restu sei US$ 2 milhaun.

“Hau nudar Xefi Governu sei buka tuir osan nee, tanba osan povu nian tenki ezekuta ho diak. Iha 2022 US$ 68 milhaun, ohin tinan 10. hau husu ba MAE atu haree husi 2021, 2 milhaun halo saida ona, tanba sa mak osan nee sei iha konta bankaria, tanba tuir regras bainhira too dia 31 Dezembru osan la gasta, tenki fo fila ba kofre estadu. Hodi tau fali ba orsamentu foun, tanba nee hau hakarak hatene osan nee ba saida, iha ona programa mak tau ka tau para atu estraga”, katak PM Xanana Gusmão iha nia diskursu, bainhira partisipa selebrasaun aniversariu PNDS ba dala 10 iha CCD, Tersa (05/12/2022).

Nia dehan, tenki iha kompromisu uza osan estadu atu haree povu nia moris.

“Marsu 2024, hau sei lao haleu Timor, implementasaun programa PNDS nee too iha neebe. Tanba orsamentu ba tinan 2022 US$ 68 milhaun, maibe US$ 38 milhaun mak ezekuta, US$ 30 milhaun ba neebe, tenki iha transparensia, akontabilidade”, tenik PM.

Povu hili lideransa sira laos atu manan deit osan, maibe atu servi, tanba nee husu boot ba PNDS atu prepara, tanba tinan 5 nee atu halo desentralizasaun, lao ho vontade hodi servi povu.

PM hakarak hatene planu saida, governu ida nee kaer nafatin katak orsamentu por programa, i orsamentu sira neebe uza nee povu nia osan. Desentralizasaun loke dalan, maibe hahu uluk husi PNDS mak haree ba dezenvolvimentu suku.

Tinn 5 nee orsamentu por programa haree atu halo saida mak tau iha programa.

PM mos bolu atensaun ba administrador munisipiu balu, ema neebe servisu iha edukasaun hau simu ona katak, iha fatin balu osan ba neebe labarik estudante sira la hetan hahan merenda eskolar.

(gui)

LEAVE A REPLY

Please enter your comment!
Please enter your name here