DILI, STLNEWS.co – Parlamentu Nasional (PN) aprova ona Orsamentu Retifikativu (OR) ba munisipiu Aileu milhaun US$ 4.509.206, Ainaro milhaun US$ 44.894.112 no Ermera ho montante milhaun US$ 7.417.275, iha faze espesialidade.
Liu husi debate OR, iha faze espesialidade, iha parlamentu, bainhira halao diskusaun entre deputadu sira ho governu halao debate, hahu husi jenralidade loron ida, mai too espesialidade no iha debate orsamentu ba Munisipiu Aileu, Ainaro no Ermera laiha proposta altresaun husi deputadu sira, tanba nee Prezidente Interina Parlamentu Nasional, Atual Primeira Visi PN, Maria Terezinha Viegas, submete ba iha votasaun, iha votasaun direta, deputadu sira aprova ho votus maioria absoluta.
Entretantu, Osarmentu REtifikativu (OR) neebe aloka ba Munisipiu Aileu hamutuk milhaun US$ 4.509.206.
Husi total orsamentu ba munisipiu Aileu aloka ba kategoria hanesan saraliu vensimentu milhaun rihun US$ 1.184.037, bem servisu rihun 350.928, trasferensia publika milhaun US$ 1.949.391, kapital menor rihun US$ 24.850, kapital dezenvolvimentu milhaun US$ 1.000.000.
“Rezultadu votasaun afavor 61, kontra 0 no abstensaun 1, orsamentu Munisipiu Aileu pasa iha espesialidade”, anunsia Prezidente Interina Parlamentu Nasional, Atual Primeira Visi PN, Maria Terezinha Viegas, iha PN, Kinta (24/08/2023).
Nunee mos orsamentu ba Munisipiu Ainaro hamutuk milhaun US$ 4.894.112, husi total orsamentu nee aloka ba kategoria hanesan saraliu vensimentu milhaun US$ 1.507.007, bem servisu rihun US$ 762.162, trasferensia publika milhaun US$ 2.349.413, kapital menor rihun US$ 211.778, kapital dezenvolvimentu rihun US$ 63.752.
“Rezultadu votasaun afavor 61, kontra 0 no abstensaun 1, orsamentu Munisipiu Ainaro pasa iha espesialidade”, anunsia Deputada Maria Terezinha Viegas.
Entretantu, orsamentu ba Ermera ho montante milhaum US$ 7.417.275, husi total orsamentu nee aloka ba kategoria hanesan salariu vensimentu milhaun US$ 1.755.689, bem servisu rihun 465.325, trasferensia publika milhaun 4.568.421, kapital menor rihun US$ 310.237, kapital dezenvolvimentu rihun US$ 317.603.
Tuir Terezinha katak, rezultadu votasaun orsamentu ba SEK afavor 61, kontra 0 no abstensaun 1, orsamentu ba Munisipiu Ermera iha espesialidade.
(dom)
