PN Hatoo Parabens Ba Xefi Suku Eleitu, Espesial Feto 18

DILI, STLNEWS.co – Reprezentante povu iha uma fukun Parlamentu Nasional (PN) hatoo parabens ba Xefi Suku eleitu iha teritoriu laran, neebe hetan ona konfiansa husi povu.

Deputada Cristina Rebelo hatete, nudar reprezentante povu iha uma fukun Parlamentu Nasional (PN), hakarak fo parabens maior ba povu TL, neebe ezerse ona sira nia direitu hodi ba tuir eleisaun Xefi Suku nian.

β€œLa haluha mos hau fo parabens ba Xefi Suku eleitu iha Timor laran tomak, liu-liu ba hau nia maluk feto nain 18 neebe mak konsege kompete iha tinan ida nee, no sira eleita ona hodi sai Xefi Suku,” dehan nia liu husi plenaria iha PN, Tersa (14/11/2023).

Kontinua ba pajina 2

Nia tenik, rezultadu ida nee hatudu ba ema hotu katak, povu mak menan no Timor mak menan, tanba se mak vota horiseik mak povu.

Nunee mos Deputada Bankada PD, Sancia Tilman dehan, hatoo hau nia parabens ba Xefi Suku eleitu, hahu husi primeiru ronde ba too segundu ronde, neebe povu depozita ona sira nia konfiansa, no espesialmente ba feto maluk sira neebe eleita ba knaar no responsabilidade ida nee,” hatete nia.

Entretantu, Xefi Bankada CNRT, Duarte Nunes dehan, hakarak fo parabens ba Xefi Suku sira hotu neebe hetan eleitu iha teritoriu tomak.

(dom)

LEAVE A REPLY

Please enter your comment!
Please enter your name here