DILI, STLNEWS.co – Reprezentante povu iha uma fukun Parlamentu Nasional (PN) afirma, kada tinan halo avalisaun dezenpenu, maibe laiha mudansa ba salariu profesores sira nian, maski governu anterior promete ona.
Deputadu Bankada FRETILIN, Dario Madeira dehan, iha VIII Governu iha diretor balun halo deklarasaun iha momentu neeba inklui ME mos halo katak, profesor kontratadu atu trasforma ba funsionariu publiku, iha media fo sai ona katak, iha rihun 4 profesor kontratadu atu trasforma ba funsionariu permanente, parabens ba governu.
“Maibe funsionariu barak avaliasaun dezenpenu tinan barak kuaze, metri/a sira neebe hanorin estudantes la goja sira nia direitu ida nee. Tanba avaliasaun kada tinan, maibe ninia mudansa laiha ba iha salariu profesor sira nian nafatin deit,” dehan nia liu husi plenaria iha PN, Tersa (05/09/2023).
Nia afirma, tanba funsionariu barak neebe avaliasaun dezenpenu tinan naruk governu uluk promete ona katak, atu aumenta sira nia salariu.
Nia tenik, nunee hakarak husu too ohin loron nee ninia kontinuasaun ba too iha neebe, iha mandatu IX Governu nee, tanba profesores barak mak too agora sira sei hein.
Nunee mos harak hatoo apresiasaun ba mestri/a sira iha teritoriu tomak neebe ho loron referendum i dia 04 Setembru depois TL rona rezultadu, mestra/i selebra atividade iha eskola hotu-hotu hodi bele inspira ka motiva estudante hotu iha sira nia eskola.
Nia sublina, oinsa estudante sira bele hatene realidade iha dia 04 Setembru iha altura neeba, hatoo parabens ba mestri/a sira neebe selebra ona iha loron boot ida nee, hodi inspira no kuda nasionalizmu ba estudante sira iha teritoriu tomak.
(mad)
