DILI,STLNEWS.co – Reprezentante povu iha uma fukun Parlamentu Nasional (PN) husu ba governu atu rezolve lalais ahi eletrisidade neebe mate iha Dili laran.
Deputadu Bankada FRETILIN, Dario Maderia hatete, hakarak koalia kona ahi eletrisidade neebe dezde horiseik loraik too mai ohin, eletrisidade iha Dili parte balun ahi mate total.
Nia dehan, haree ahi leletrisidade iha Dili kuaze la lakan hotu, parese iha fatin balun, maibe area barak liu mak eletrisidade la lakan. Dili nee kuaze vida familia hotu-hotu moris ho enerjia eletrisidade nian, hanesan bee, tein no sira seluk tan.
“Entaun hau husu parte relevante atu rezolve lalais, maibe ninia impaktu mak aihun boot-boot iha Hali-Laran monu kona hodi halo ahi eletrisidade kuaze mate total, tanba nee governu presiza tau atnesaun ba ida nee,” dehan nia iha PN, Tersa (29/08/2023).
Nia sublina, ahi eletrisidade mate laos akontese iha Dili deit, maibe iha munisipiu sira mos hanesan, iha Baukau, Postu Kelikai, area Laisorilai ahi eletrisidade mos mate kuaze loron 3 ona, sempre mate lakan, entaun nia impaktu nee boot ba konsumidor sira.
Nia hatutan, husu ba governu atu tau atensaun ba iha asuntu ida nee, tanba ahi eletrisidade nee sempre mate lakan hela deit, bele estraga komunidade sira nia sasan eletronika sira.
(dom)
