DILI, STLNEWS.co – Reprezentante povu iha Uma Fukun Parlamentu Nasional (PN) husu governu tenki tau prioridade ba estrada neebe aat iha area rural, tanba komunidade asesu ba saude no merkadu la diak, afeita ba ema nian vida moris.
“Konaba estrada aat nee tenki fo prioridade, tanba inan isin rua neebe atu ba lalais fasilidade saude labele, tanba estrada aat, ita haree ba ema nian vida,” hatete Xefi Bankada CNRT Duarte Nunes ba jornalista sira iha PN, Tersa nee (02/05/2023).
Nia dehan, estrada nia kondisuan hanesan nee, susar tebes komunidade atu too fatin neebe sira hakarak ba, tanba estrada mak aat liu, laos iha Kelikai laran deit, maibe fatin barak mak estrada la diak.
Nia esplika, estrada husi Dili ba too Mulia nian estrada diak, maibe sae ba Postu Administrativu Kelekai estrada aat no afeita ba ema nian saude, labele asesu lalais ba hospital referal, liu-liu inan isin rua neebe atu partus.
“Hau fiar katak kuandu CNRT manan fo atensaun ba estrada, tanba ba ema nia saude no ema nian moris, sira hakarak faan sasan mai iha merkadu,” nia tenik.
Nia informa, inan isin rua tenki hetan atendimentu iha klinika neebe besik, se nia hela dook, depois estrada aat hanesan nee, dala ruma la too, bebe la salva nian vida ou inan.
Iha fatin hanesan, Deputadu husi Bankada KHUNTO Atual Segundu Visi PN, Luis Roberto esplika, komunidade hulan rasik pasiente mai sentru saude nee dala barak akontese ona, tanba iha pasiente balun neebe hulan deit depois sira hodi hakur mota, depois sei iha dalan klran iis mos kotu, ida nee hatudu nafatin ba govenru, oinsa para bele kria ba kondisaun neebe diak.
Nia koalia, kondisaun diak maka infrestutura baziku nee importante, atu nunee alkansa ba 100% estrada nee lao diak too iha area rural nee.
“Ita nian ema sira neebe bele asesu ba buat hotu,sei lae maka afeita ba komunidade nian saude, tanba nee estrada aat iha area rural nee, Ministeriu Obras Publiku mak hatene” nia informa.
Nia dehan, Parlamentu Nasional aprova proposta OJE, depois govenru maka implementa, tanba nee tenki implementa ho diak , atu nunee povu bele asesu nia rezultadu.
Nunee mos, Akademista UNTL Jose de Jesus Oliveira informa, foin daudaun akontese tan, inan isin rua ida komunidade sira tau ba kadeira hulan deit mai iha hospital referal, tanba estrada aat no ambulaisa labele too iha Kelekai.
“Ita haree iha Facebook komunidade sira hulan inan isin rua ida husi Lelalai Postu Administrativu Qulekai nian, atu partus iha Postu Saude labele, sira haree labele sira hulan deit hodi mai iha ospital referel, tanba estrada aat no ambulasia laiha,” nia informa.
Nia deklara, govenru tenke rejolve emerjenisa hanesan nee, tanba inan isin rua neebe kondisaun hanesan estrada aat no ambulasia laiha, ida nee bele fo impaktu ba inan no bebe nian vida.
(jen)
