DILI, STLNEWS.co – Tuir Prezidente Komisaun G neebe trata asuntu Edukasaun, Deputadu Antonio Verdial, husu ba Ministeriu Edukasaun Juventude no Desportu (MEJD) atu aselera segundu pagamentu ba projetu komunitaria neebe halo iha teritoriu laran, hodi labele impede projetu nee.
“Maibe informasaun neebe hau rona direita husi ema hirak neebe halo konstrusaun eskola sira nee hatete, orsamentu ba faze daruak nian too ohin loron MEJD seidauk trasfere orsamentu nee ba, husu atu aselera segundu pagamentu ba iha konstrusaun projetu komunitaria hodi labele atrazu,” dehan nia iha PN, Kinta nee (04/08/2022).
Nia tenik, iha loron 5 fulan Julhu fulan kotuk, PN bolu Ministru Edukasaun mai iha nee hodi koalia atu asegura projetu hirak nee atu lao ho sustentabilidade tuir tempu neebe determina ona, nee too iha neebe.
Aleinde nee, Deputadu Bankada CNRT, Gabriel Soares dehan, relasiona ho atrazu segundu pagamentu ba projetu komunitariu iha munisipiu sira no iha Manatutu mos hanesan, primeira faze halao hotu ona mais tama ba segundu faze atu foti osan hodi kontinusaun konstrusaun too agora fulan 3 ka 4 ona nia rezultadu laiha.
(dom)
