PN Husu MS Tau Matan Problema HNGV

DILI, STLNEWS.co – Reprezentante povu iha uma fukun Parlamentu Nasional (PN) husu ba Ministeriu Saude (MS) atu tau matan ba iha problema sira neebe enfrenta iha Hospital Nasional Guido Valadares (HNGV).

Kestaun nee hatoo husi Deputadu Antonio Verdial liu husi Plenaria iha PN, Segunda (29/05/2023).

“Hau husu ba governu, mezmu reprezentante governu ohin la marka prezensia iha PN, maibe hau husu mezmu ita nia mandatu besik atu hotu ona, maibe favor tau matan ba situasaun real nebee iha HNGV enfenta,” dehan nia.

Nia hatutan, tanba situasaun iha HNGV haree ba pasiente sira neebe tama iha neeba halo tratamentu presiza tebes govenu nia tulun, tenki kria kondisaun ida neebe dignu ba povu TL, atu sira mos bele senti katak, iha ukun aan ida nee sira senti duni lideransa neebe kampabel no kompativel hodi jere nasaun ida nee ba oin.

Nunee mos Deputada Bankada FRETILIN, Josefa Pereira dehan, “Hau fo parabens ba partidu vensedor ba iha eleisaun ida nee no espera katak, bainhira sae ba ukun bele hadia situasaun sira neebe mak deputadu sira sempre foti iha Parlamentu Nasional (PN) hodi bele hadia,” dehan nia.

(dom)

LEAVE A REPLY

Please enter your comment!
Please enter your name here