DILI, STLNEWS.co – Parlamentu Nasional (PN) husu pertamina atu labele aproveita oportunidade boatus iha publiku katak stok mina laiha, hodi hasae folin mina.
Kestaun nee hatoo husi Visi Prezidente Komisaun E, trata Asuntu Infraestrutura, Deputadu Fabião Oliveira, katak mina oras nee daudaun tuir Autoridade Nacional do Petróleo e Minerais (ANPM) katak mina tama ona, neebe stok iha pertamina iha hotu, deklarasaun husi ETO mos dehan stok mina iha hela no laiha probema ba stok mina, neebe mina iha pertamina sira iha hodi atende ba publiku.
Ida nee ema nia pensamentu politiku ekonomiku, mina iha hela, sira mak lansa boatus sira nee hodi mina folin sae, maibe mina iha hela. I governu liu husi ANPM koordena ho pertamina atu nafatin fornese mina ba konsumidores sira.
“Hau husu ba pertamina atu labele aproveita fali boatus politiku neebe iha hodi hasae fali folin mina, se lae ita nia komunidade sofre, neebe boatus nee hau hanoin ema halo politika deit”, informa Deputadu Fabião Oliveira, ba STL liu husi telefone, Sesta nee (29/07/2022).
Tanba tuir Prezidenze Komisaun E nee katak, realidade stok mina iha pertamina neebe mak hatama mina mai garante hela stok mina, i sira deklara katak laiha problema kona stok mina.
(gui)
