PN Kontinua Husu Governu Hadia Infraestrutura Estragus

DILI, STLNEWS.co – Parlamentu Nasional (PN) kontinua husu governu atu hadia infraestrutura hanesan ponte no estrada, tanba sira observa balu neebe estraga husi udan seidauk hadia.

Preokupasaun nee hatoo husi Xefi Bankada UDT, hanesan mos membru Komisaun E trata asuntu infraestrutura, Deputadu Francisco David Carlos, konaba infraestrutura neebe estragus, problema sira nee sira sempre foti beibeik iha parlamentu bainhira halao plenária, agora kabe ba governu nian, tanba sira nudar deputadu nia papel halo fiskalizasaun i ezekutador nee husi governu.

“Ami nudar reprezentante povu, bainhira povu hili ami ba tuur iha PN atu haree ba povu nia sofrimentu, laos ba atu toba, tanba nee konaba infrastrutura hetan estragus nee ami sempre levanta, maibe barak mak seidauk hadia,” katak Deputadu Francisco David Carlos, ba STL liu husi mensajen, Domingu nee (31/07/2022).

Nia dehan, agora daudaun sira haree estrada balu hadia ona, maibe balu seidauk, hanesan ponte Dilor nee levanta kuaze tinan ida resin ona, maibe seidauk hadia, la hatene ida nee tanba saida, maibe talvez tanba kapasidade governante ou mos orsamentu.

Entretantu, Deputadu husi Bankada FRETILIN hanesan mos Visi Prezidente Komisaun E, Fábião Oliveira hatete, sira lao haree infraestrutura sira neebe mak hetan estragus husi udan, mezmu agora tama ona ba bailoro, neebe governu mos planu atu hadia infraestrutura hanesan estrada no ponte sira.

(gui)

LEAVE A REPLY

Please enter your comment!
Please enter your name here

NEWS UPDATE

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru-Hun, Juvinal da Conceição hatete, nia parte kontenti ba efidisiu foun sede nian neebé inagura ona, maibe fasilidade mak...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...