DILI, STLNEWS.co – Parlamentu Nasional (PN) lamenta autoridade Lautem halo diskriminasaun ka la suporta feto atu sai lideransa suku, hodi kompete iha eleisaun suku iha 2023 nian.
Deputada Bankada PD, Maria Tereza Gusmao hatete, tristi tebes, tanba lideransa mane ida neebe la fo korajen no la suporta maluk feto sira atu asesu ba vida politika ba lideransa hodi bele foti desizaun. Ida nee mak mentalidade iha Timor neebe sei asumi sistema patriakal, katak mane deit mak bele halo desizaun no ba feto sira dehan linha segundu fali,” dehan nia ba STL iha PN, Tersa (08/08/2023).
Nia sublina, husu ministeriu levanta atu hakbesik ba lideransa iha Lautem hodi fo hanoin ba nian, nunee labele halo diskriminasaun ba maluk feto sira, liu-liu labele hasai estetmentu iha publiku hodi deskrimina fali maluk feto sira.
“Tanba feto ho mane hamutuk mak bele halao dezenvolvimentu no sai parseriu, maski iha diferente kapasidade laos sai kestaun atu diskrimina maluk feto sira,” hatutan nia.
(dom)
